EL TV » Xəbərlər » Yararsız torpaqlarda meşə salınacaq(Video)


Yararsız torpaqlarda meşə salınacaq(Video)

Yararsız torpaqlarda meşə salınacaq(Video)Baxmız və yarasız torpaqlarda təmizləmə işləri aparmaq və meşə zolaqları salmaqla ekoloji problemlərin qarşısını almaq olar.Beynəlxalq Valyuta Fondu Avropa İttifaqının maliyyə dəstəyi ilə “Cənubi Qafqaz ölkələrində meşə ekosistemlərinin transformasiya yolu ilə iqlim dəyişmələrinə qarşı dözümlülüyün artırılması” layihəsini həyata keçirir.Azərbaycanda ilkin olaraq Ağsu və Yevlax rayonlarında layihənin icrasına başlanılıb. Hər iki rayonun mərkəzindən kənarda yerləşən 75 hektarlıq torpaq sahəsində çürümüş ağacların və yararsız otlaqların təmizlənməsi işləri aparılıb. Qeyd edək ki, Beynəlxalq Valyuta Fondu bu layihəni icra etməklə ölkənin səmərəsiz və yararsız ərazilərindəki mövcud əngəlləri aradan qaldırmaq və biomüxtəlifliyi, o cümlədən yerli əhalinin yaşayışını zənginləşdirmək üçün meşə ehtiyatının artırılması məqsədi ilə bir sıra işləri görməyə çalışır. Ümumdünya Təbiəti Mühafizə Fondunun Azərbaycan Nümayəndəliyinin layihə rəhbəri Elşad Əsgərovun sözlərinə görə, artıq 27 üzv ölkə Cənubi Qafqaz ölkələrinin şəhər və rayonlarında meşə zolaqlarının salınmasına razılıq verib. Və bu layihənin 50 il müddətinə uzadılması da nəzərdə tutulub. Təbiətin karbon qazlarından qorunması və atmosferin oksigenlə daha çox təmin olunması üçün meşələrin vacibliyini diqqətə çatdıran layihə rəhbəri bildirib ki, Ağsu və Yevlax rayonlarında istifadəsiz olan 75 hektarlıq torpaq sahəsində, artıq ilkin tədbirlər görülür. Həmçinin,yaşlı ağacların və yararsız otlaqların məhv edilməsindən sonra çəpərləmə işləri aparılacaq. Yekunda isə yaxın 5 il ərzində həmin ərazidə tamamilə meşə salınacaq. Xatırladaq ki, Avropa Komissiyasının reallaşdırdığı bu layihə Azərbaycandan sonra Gürcüstan və Ermənistana da icra olunacaq.